كثيرا ما سمعنا عن مشاكل الابناء مع الاباء (ابهات و امهات) و في الحقيقة انها مشاكل حقيقة يجب مواجهتها و حلها وليست مجرد كما يقال -فترة مراهقة- ولكن اود التركيز هنا و بشده على كلمة ظلم ربما يستغر البعض من استخدام هذه الكلمة و كيف يكون او كيف يظلم الاب او الام ابنه او بنته بصراحة ما اقصده هنا و ما اود التطرق اليه ليس الظلم الذي يعني ( الضرب او محاربة عادات سيئة كالكذب ) ولا اقصد الاهانة ( بالسب و غيره ) ولكن اقصد بالظلم هنا معناه الاكبر فمثلا
*اب لا يعرف ان ابنه لديه مواهب و قدرات قوية جدا سواء في الدراسة او في الرياضة او في اي مجال من مجالات الحياه
*اب او ام يعلم ان ابنه او بنته لديهم قدرات و مواهب ولكن هو بيعمل حاجة واحدة بس بعطلها او يوقفها عن النمو او يخليك تيسبها او تكرهها و ذلك بعدة اشكال مثلا
1- يقولك بتاثر على الدراسة
2-عدم اقتناع من الاباء ان الشئ ده كويس
3- اما ادهى و اكبر مصيبة انو مايعملش حاجة اصلا ( ودي بتكون اكبر مصيبة) لايمنع و لا يساعد يعني ( لا يرحم و لا يسيب رحمة ربنا تنزل ) يعني لو منع يبقى غلطان و لكن المنع في بعض الاحيان يؤدي الى الاتفاق على حل وسط او بيفجر المشكلة فيؤد الى الوصول الى حل او انو مايساعدش على التنمة و بردو يبقى غلطان
طيب واحد يقولي انت عايز تقول ايه او عايز توصل لايه او ايه الظلم اللى انت بتتكلم عنو ده
اقولك لو مثلا انا دلواتي متفوق في كرة القدم او السباحة او التنس او الرسم او النحت او الكتابة او عندي الموهبة على الاقل
وانت كاب او ام ما ساعدتنيش اني انمي الموهبة و القدرة دي او حتى لو انا مش عارف ايه الموهبة اللى عندي و انت ماساعدتنيش اني ادور عليها والاقيها و انميها ماشفتليش نادي او مكان ادرب فيه ماشفتش مدرب لي ما تابعتنيش و ما حطيتليش مكافائات و ما بينتليش اد ايه انت سعيد بان انا عندي الموهبة دي و اني هاعمل بيها حاجة جامده و كويسة
يبقى بكده انت ظلمتنى جدا جدا
لما ربنا يديك حاجة كويسة و ماتستغلهاش يبقى حرام صح ولا لا ؟؟؟
و بمثال اخر للتوضيح لو انا مثلا لي قدرة عالة على الحفظ و انت ماستغلتهاش ف مثلا حفظ القران او اي حاجة مفيده ....ماعلمتنيش ازا استخدم الميزة دي و انميها و اطورها يبقى ده حراااام بردو
يعني او انت عرفت ماعملتش حاجة تسادني ( مش هاقلك وقفت في طريقي) لا بقول ماحركتش ساكن يبقى ظلمتنى و ظلمت نفسك و ظلمت امتك كلها و الله بجد!!!!
الاب اللى يخلي ابنو يسيب الرياضة و يقول علشان ماتثرش على الدراسة ده اب مقصر و مش فاهم
و بالنتقال الى نقط اخر : مش كل انسان دكتور و مهندس
ودي نقطة مهمة جدا
طيب يبقى عرفنا ايه الظلم اللى كنت اقصده و هو انك تعرف ان ابنك ده عندو حاجة كويسة ممكن تستغلها و ماستاعدش في تطويرها
طيب انا ماتعودتش اقول حاجة من غير حل ياترى ايه الحل فكرو كده معاي هاقترح شوي حلول انا شايف انها الافضل
1) ان يكون في مدرسة للناس اللى عايزة تتجوز يتعلمو الاول تصورهم عن اولادهم عايزينهم يكونو ازاي و يتعلمو يتعاملو ماهم ازاي و يعاقبوهم ازاي و لحد سن كام ؟؟ و ازاي يدوهم الثقة و امتى
و ماينفعش يتجوزو غير لما يتخرجو من المدرس دي و الماذون لما يجي يكتب الكتاب زي ما بيطلب البطايق و الشهود يطلب كمان شهادة المدرسة اللى بتقول انهم نجحوا فيها
او حل تاني انها تكون ماده دراسية في كل مراحل الدراسة بدل ما في مواد هابلة كتييييييييير مابنستفدش منها خالص اهي فوق البيعة و على الاقل مفيدة
و الله فكر مجنونة بتاعة المدرسة دي بس شغالة
2) زيادة التركيز لى الشخصيات التاريخية الناجحه و طرية تربيتها لاولادها و كمان ازاي ابهاتهم ربوهم و ازاي بقو ناجحين
في النهاية احب اختم بشوية ظلم كده
1) رياضة خلوه يسيبها علشان الدراسة
2) موهبة ماساعدوش على تنميتها
3) شغف اتجاه شئ معين او مادة معينة و مازودوش بكتب و ماعلومات اكتر
4) سوء المعاملة زي الضرب و القسوة و التهكم و التجاهل و فقدان الامل ( انا رميت طوبتك ) و التشدد في الدين و ان يكون الاب مالوش في اي حاجة او مافيش حاجة فارقه معاه
5) كمان مرة مش كل الناس دكاترة ومهندسين و ده موضوع كبير يطول شرحو
6) ان يكون الاب ناشف جدا و قاسي
7) ان يكون الاب لسانو زفر ( يا ابن الكلب ز .....انتو ارفين بقى
8)الاب اللى بيدخن و بيشرب سجاير و ....العادات السيئة كتير ماتعدش
ملحوظة صغيرة اقصد بكلمة اب اب او ام
في النهاية احب اقول ان لا حياه مع الياس و الدنيا مابتقفش لحد
يعنى الواحد لازم يكون قوي كده و يواجه الامور و يستحمل وقوم و يقع تاني المهم انو يوصل للهدف و يخترق كل الصعاب و المشاكلو الهموم و العقبات و ان طول مافي عزيمة طول مافيه حياة و امل
دي مجرد وجهة نظري سواء صابت او خابت
واتمنى للجميع الخير
ولا تظلم اولادك
